Ferhenga Kurdistanî

Ferhenga Kurdistanî

Ev ferheng, yekemîn ferheng e ku Kurdek li ser bingeheke zanistî û piştî xwesipartina ferhengên zimanên din tîne holê. Em dikarin vê ferhenga di nav destê xwe de wek yekemîn ferheng bihesibînin ku Kurdan çêkirine. Heta ku agahiyên cuda bi dest me bikevin û vê nêrîna me biguherin, em bêgav in vê yekê mîna rastiyê qebul bikin. Ev ferhenga ku berî 140 salî hatiye nivîsandin, ji bo lêkolerên zimanê Kurdî, Kurdnasan, zimanzanan û her kesê ku bixwaze ferhenga xwe ya Kurdî ferehtir bike û dewlemendiya zimanê Kurdî nas bike, gelekî pêwist e. Ew ji bo xwendevan û nivîskar û wêjevanên dema me ya îro û her demê jî pêwist e. Ew dikarin tê de gelek peyvên Kurdî ên resen û lihevhatî bibînin û di berhemên xwe de bikarbînin.