Li Herêma Doskîyan Çend Deqên Edebîyata Kurdî

Di nav kurdan de hindek binemal hene ku di warê edebîyata kurdî de gelek xizmet kirine. Binemala Gulordîyan jî yek ji van binemalan e. Gelek ‘alim, edîb û zana ji vê binemalê derketîne. Belê heta niha kesê dengê wan nebihîstîye û hay jê nebûye. Mela Ehmedê Gulordî û Mela Ebdulmecîdê Gulordî jî du zana û ‘alimên binemala Gulordîyan in. Mijara vê xebatê “Mewlûda Şerîf a Mela Ehmed” û “Guldeste”ya Mela Ebdulecîd e. Heta niha der barê vê mijarê de em rastî xebateke bi rêkûpêk nayên. Ji ber vê çendê di vî warî de eve xebateke yekemîn e.